Tituluak
Euskara-maila egiaztatzeko tituluak
Euskara agiri bat behar baduzu, gurean erraz lortuko duzu.
Batzuetan, hizkuntza ezagutzea ez da nahikoa izaten; hori berretsiko duen agiria ere behar izaten da. Azterketa ofizialetan Ilazki erabiliz izena ematea oso erosoa da, erraza, eta zure kabuz egiten duzunaren erdia kostatzen zaizu.
HABE da deialdiak eta azterketak egiten dituen erakunde ofiziala; baina, gurekin ikasten ari bazara, lehen azterketak, ahozkoaren eta irakurriaren ulermena, alegia, euskaltegian bertan egingo dituzu, beste edozein eskola egun balitz bezala, eta zure ohiko irakasleak ebaluatuko zaitu.
Fase hau gainditu ondoren, idatzizko eta ahozko proba HABEn egingo dituzu. Lehenengo saiakeran gainditzeko prestatuko zaitugu; horretarako, eskura jarriko dizkizugu aholku eta baliabide guztiak.
Gainera, Ilazki ikasle izateagatik bakarrik, azterketako matrikulan 80 €ordaindu beharrean 40 bakarrik ordaintzen dituzu, eta maila guztietan aurkezten lagunduko dizugu:
- A1 Hasierako erabiltzailea
- A2 Oinarrizko erabiltzailea
- B1 Erabiltzaile independentea
- B2 Erabiltzaile aurreratua
- C1 Erabiltzaile gaitua
- C2 Erabiltzaile aditua
Ikusten duzunez, Euskara titulua behar baduzu, errazagoa eta erosoagoa izango zaizu Ilazkin.
Bi modu daude euskara-mailak egiaztatzeko:
- Euskaltegiko ebaluazio-jardueren bidezko egiaztatzegintza (A1 eta A2 mailak)
- Azterketa-deialdi bidezko egiaztatzegintza (B1, B2, C1 eta C2 mailak). Azterketarien gaitasuna (zati bat edo osorik) kanpo-ebaluazioaren bidez egiaztatzen da, HABEk antolatutako azterketa-deialdietan.
